Héraðssaksóknari rannsakar rafbyssuatvikið og maðurinn fluttur á spítala í Noregi

Maðurinn, sem brenndist illa eftir lögregluaðgerð í Reykjanesbæ í fyrradag hefur verið fluttur með sjúkraflugi til Noregs. Rafvopni var beitt í aðgerðunum og héraðssaksóknari hefur hafið rannsókn á atvikinu. Maðurinn var fluttur á spítala á mánudag með alvarleg brunasár um allan líkamann. Hann hafði hellt yfir sig eldfimum vökva, og kviknaði í honum eftir að lögregla beitti rafbyssu á hann. Lögregla telur hann hafa borið að sér eld, en getur ekki útilokað að vopnið hafi valdið íkveikjunni. S...