Hlekktist á í lendingu þegar nefhjól festist ekki niðri

Vélin datt á trýnið þar sem nefhjólið festist ekki niðri.Aðsend Eins hreyfils flugvél hlekktist á í lendingu á sjötta tímanum þegar nefhjól vélarinnar festist ekki niðri í lendingu, samkvæmt upplýsingum frá lögreglu. Þegar hún lenti datt hún fram fyrir sig og lenti á nefinu. Lögregla var kölluð út og slökkviliðið á höfuðborgarsvæðinu sendi dælubíl á vettvang. Tveir voru um borð í vélinni en engan sakaði. Reykjavíkurflugvöllur er lokaður sem stendur.