Kallar eftir heildstæðu kerfismati

Erna Bjarnadóttir hagfræðingur hefur skrifað töluvert um mikilvægi íslenska dýraheilbrigðiskerfisins. Umfjöllun hennar spannar allt frá dýravelferð og matvælaöryggi yfir í sýklalyfjaónæmi og nú síðast, í aðsendri grein í Morgunblaðinu í gær, setti hún dýraheilbrigðisreglur í samhengi við efnahagslega innviði, þ.e. þýðingu varna gegn dýrasjúkdómum fyrir íslenska matvælaframleiðslu.