Umfangsmikil rannsókn á hópárás í bílakjallara

Rannsókn lögreglu á lífshættulegri líkamsárás í Túnunum í Reykjavík á mánudag er umfangsmikil en miðar ágætlega, að sögn lögreglu. Fimm eru í gæsluvarðhaldi grunaðir um að hafa ráðist að þremur mönnum. Einn er enn á gjörgæslu. Árásin var gerð í bílakjallara í Borgartúni. „Rannsóknin er í fullum gangi,“ segir Ævar Pálmi Pálmason aðstoðaryfirlögregluþjónn hjá Lögreglunni á höfuðborgarsvæðinu. „Henni miðar ágætlega en hún er umfangsmikil.“ Sá sem liggur á sjúkrahúsi sé með þónokkra áverka. Lög...