„Við leituðum í fimm klukkutíma, þetta er viljandi gert erfitt“

Spennt börn leituðu að páskaeggjum bæði í Fjölskyldu- og húsdýragarðinum og í Elliðaárdal í dag. Gleðin leyndi sér ekki þegar eggin fundust. Í Fjölskyldu og húsdýragarðinum var búið að fela gullsteina sem krakkarnir kepptust við að finna. Og gleðin leyndi sér ekki þegar leitin bar árangur. Og það var fleira en páskaeggjaleit sem laðaði gesti að garðinum í dag – þar eru nýklaktir páskaungar. Í Höfuðstöðinni í Elliðaárdal var bæði hægt að föndra páskaskraut og leita að páskaeggjum.