Meint kynferðisbrot leikskólastarfsmanns á Akranesi komin til héraðssaksóknara

Mál þar sem leikskólastarfsmaður á Akranesi er grunaður um kynferðisbrot gegn barni er komið til embættis héraðssaksóknara frá lögreglustjóranum á Vesturlandi. Embættið tekur ákvörðun um hvort ákæra verði gefin út. Lögreglan á Vesturlandi handtók karlmann, sem var starfsmaður leikskólans Garðasels á Akranesi, 17. mars síðastliðinn vegna gruns um kynferðisbrot gegn barni á leikskólanum. Maðurinn hafði hafið störf á Garðaseli mánuði fyrr og starfaði meðal annars á deild með þriggja ára börnum. ...