500 bleikjur sluppu úr landeldisstöð

Eldisfiskur slapp úr landeldisstöð Matorku að Húsatóftum við Grindavík. Rist á útfalli eldiskers gaf sig vegna tæringar og því komst fiskurinn með útfalli úr kerinu og í sjó. Matorka telur að um 500 fiskar hafi sloppið og að þeir séu um 600 grömm að þyngd að meðaltali. Fiskarnir eru aldir í kerjum í landi. Stjórnendur fyrirtækisins telja ekki miklar líkur á að bleikjan geti lifað í fullsöltum sjó. Í tilkynningu á vef Matvælastofnunar kemur fram að Matorka hafi tilkynnt strok á bleikju á lauga...