Skátar alla leið frá Hong Kong og Ástralíu meðal gesta á Landsmóti

Um þúsund skátar víðs vegar að úr heiminum taka þátt í Landsmóti skáta sem hófst á Hömrum við Akureyri í gær og stendur fram á sunnudag. Þemað í ár er norðurslóðir en Hamrar er nyrsta skátamiðstöð í heimi. Margir þátttakendur koma langt að, til að mynda frá Hong Kong og Katar. Það var ekki annað að sjá en að skátarnir hafi skemmt sér vel í blíðunni þar sem þeir leystu þrautir og voru í hinum ýmsu leikjum. Vinkonur frá Ástralíu, Jo Alice Burgess, Elin Adams og Hannah Gardiner voru hæstánægðar ...