Annað útkall Bjargar í dag vegna aflvana báts

Björgunarbáturinn Björg í Rifi á Snæfellsnesi sinnti tveimur útköllum í dag. Björg var nýkomin til hafnar eftir fyrra útkallið þegar tilkynning barst um annað útkall. Fyrra útkallið var vegna fiskibáts á Breiðafirði sem kviknað hafði í. Skipverjinn komst af heill á húfi en búið var að loka vélarrúmi bátsins og ræsa slökkvikerfi stuttu eftir að tilkynning barst. Seinna útkallið var vegna aflvana báts vestur af Öndverðarnesi. Í tilkynningu Landsbjargar segir að engin hætta hafi verið á ferðum...