Kærleiki, umhyggja og sköpunargáfa á alþjóðlega downs-deginum

Alþjóðadagur downs-heilkennis var laugardaginn 21. mars. Af því tilefni komu tugir módela með downs-heilkenni fram á tískusýningu í Búkarest, höfuðborg Rúmeníu, til að fagna tísku og hugrekki. Kærleiki, umhyggja og sköpunargáfa var hönnuðunum efst í huga þegar þeir hönnuðu fötin á módelin. „Fötin voru gerð án þess að neitt af módelunum mátaði þau,“ sagði Georgeta Bucur sem skipulagði viðburðinn. „Það mikilvægasta var að fá fólkið saman. Þessi viðburður var einstakur“.