Rólegheitaveður í dag

Veðrið verður frekar rólegt og tíðindalítið í dag, fremur hægur vindur og þurrt að mestu. Sums staðar verða þó lítilsháttar skúrir. Veðurspáin er svohljóðandi: Vestlæg eða breytileg átt 3-10 metrar á sekúndu, skýjað með köflum og sums staðar lítilsháttar skúrir, en bjartviðri á Norðausturlandi. Breytileg átt 3-8 og dálitlar skúrir á morgun. Bjart að mestu austanlands, en skýjað og allvíða rigning af og til annað kvöld. Hiti 7 til 17 stig, hlýjast norðaustanlands.