Segist ekki ætla að stefna áhöfn í hættu

Aðgerðasinninn Paul Watson segir að skipið Bandero, sem er nú innan efnahagslögsögunnar, muni ekki stofna áhöfnum hvalveiðibáta í hættu. Markmið leiðangursins sé að stöðva hvalveiðar. „Ætlun okkar er að hindra Kristján Loftsson í að drepa hvali,“ segir hann í samtali við fréttastofu. Watson er ekki sjálfur um borð í skipinu. Hann hafnar því að leiðangurinn ætli sjálfur að brjóta lög. „Við vinnum samkvæmt alþjóðlegum verndunarlögum gegn ólöglegri starfsemi. Hver er annars tilgangurinn með alþj...