Einkabíllinn langvinsælasti ferðamáti Íslendinga

Einkabíllinn er langvinsælasti ferðamáti Íslendinga. Á hverjum degi fara landsmenn 3,3 ferðir að meðaltali. Ganga og hjólreiðar færast hægt en örugglega í aukana. Þetta kemur fram í ferðavenjukönnun sem gerð var á vegum innviðaráðuneytisins árið 2025. Þar segir að 73% allra ferða Íslendinga séu farnar á einkabíl og að hraði, þægindi og aðgengi ráði alla jafna vali fólks. Ungir fara í fleiri daglegar ferðir en þeir sem eldri eru. Einstaklingar á aldrinum 18–24 ára fara flestar ferðir allra, eð...