Franskur skólaliði sýknaður af ákæru um kynferðisofbeldi

Dómstóll í París hefur sýknað franskan skólaliða af ákæru um kynferðislegt ofbeldi gegn leikskólanemendum. Hann var hins vegar dæmdur í átta mánaða skilorðsbundið fangelsi fyrir kynferðislega áreitni gegn samstarfsfólki sínu. Lögreglan í París rannsakar yfir 100 ásakanir um illa meðferð, líkamlegt ofbeldi og nauðganir á börnum allt niður í þriggja ára aldur í frönskum grunn- og leikskólum. Grunur leikur á að skólaliðar hafi beitt börnin ofbeldi í hádegishléum, hvíldartímum og eftir skóla. Rét...