Stjórnvöld ætla að sporna gegn brotastarfsemi á vinnumarkaði

Stjórnvöld hafa í fyrsta sinn markað sér stefnu til að sporna gegn brotastarfsemi á vinnumarkaði. Ætlunin er að koma í veg fyrir að launafólk sé misnotað og samkeppnisstaða skert til að auka fjárhagslegan ávinning, til dæmis með félagslegum undirboðum og fölsun reikninga. Aðgerðaáætlun í 13 liðum er í gildi til ársins 2028. Meðal aðgerða er að efla samstarf Lögreglunnar, Skattsins og Vinnueftirlits ríkisins og tryggja að aðilar vinnumarkaðarins fari allir eftir lögum og kjarasamningum. Samvin...