D-listi sjálfstæðismanna og óháðra í Hörgársveit kynnir framboðslista

D-listi sjálfstæðismanna og óháðra í Hörgársveit hefur samþykkt fullskipaðan lista fyrir sveitastjórnarkosningarnar 2026. Í fréttatilkynningu frá framboðinu kemur fram að framboðið er nýtt í Hörgársveit og markar tímamót, en þetta er fyrsta nýja framboðið í sveitafélaginu síðustu átta ár. Markmiðið með framboðinu er að auka gagnsæi, efla lýðræðislega þátttöku og bjóða fram öflugan og fjölbreyttan hóp fólks með ólíkan bakgrunn, reynslu og þekkingu.