Biður tónleikagesti að ganga vel um þjóðgarðinn

Tónleikarnir hefjast klukkan 11 á laugardag og standa til miðnættis. Einar Á. Sæmundsen, þjóðgarðsvörður á Þingvöllum, segir að undirbúningur fyrir tónleikana gangi vel. Vegna umfangs og fjölda gesta verði bílastæðinu við tjaldsvæðið á Þingvöllum lokað strax á morgun. Tjaldsvæðinu hefur þegar verið lokað. Einar hvetur gesti til að taka rútu á laugardaginn til að minnka álag á bílastæði og vegi. Þá hvetur hann tónleikagesti til að búa sig vel, vera vel klæddir og ganga vel um þjóðgarðinn.