Notuðu gamlar ljósmyndir við endurbæturnar

Endurbótum á ráðherrabústaðnum við Tjarnargötu í Reykjavík er að mestu lokið. Gamlar ljósmyndir voru notaðar til að reyna að færa innréttingar hússins í nær upprunalegt horf. Helstu sjáanlegu breytingarnar felast í blómastofunni á suðurgafli hússins. Hún hvarf við endurbætur hússins á tíunda áratugnum en hefur nú verið endurreist í upphaflegri mynd, þó eilítið stærri. Þar spila gluggarnir aðalhlutverkið.